Bi ser rizgarkirina Mûsil’ê ya ji destê Daiş’ê deh sal buhurîn. Di hezîrana 2014’an de duyemîn mezintirîn bajarê Iraq’ê Mûsil ketibû destê Daiş’ê. Daiş’ê ne tenê xelkê bajêr û der û dora wê girtin, kuştin û derbeder kirin herweha ziyaneke mezin jî da binesaziyê. Rayedarên Iraq’ê radigihînin, ku dora ji sedî 70’ê binesaziya bajêr bi destê Daiş’ê hatiye rûxandin.
Di dehemîn salvegera rizgarkirina Mûsil’ê de, ji Kerkûk’ê rojnameger Karwan Salehi him behsa ketina bajarê Mûsil’ê û rewşa piştî rizgarkirinê û ji nû ve avadan kirina bajêr dike. Herweha endamê encûmena bajêr a Mûsil’ê yê ji Partiya Demokrat a Kurdistan’ê (KDP) Admed Kiki di hevpeyvîna xwe ya digel AVA-News de behsa rewşa siyasî ya bajêr dike.