Gefxwarinên NSU 2.0

Rojev

Gefxwarinên NSU 2.0

Gelo di nav polîsa Hessenê de toreke nîjadperest a rastigirên tundrew heye? Helbet ev gûmanek e, lê belê ne belasebe ye. Ji ber ku vê heftê derket holê, herî kêm du nameyên gefxwarinê, dikarîn heta kompîturên polîsa Hessenê werin şopandin.

Ev çend hefte ne, li Almanyayê nîqaşên li ser nijadperestî û racial profiling didomin. Racial profiling an ku pêşdarazîya li cem polîsan, ku kesên esil biyanî bê sedemeke berbiçav sûcdar dihesibînin û li nasnameyê dipirisin. Lê vê heftê nîqaş ketin qonaxeke nû. Gelo di nav polîsa Hessenê de toreke nîjadperest a rastigirên tundrew heye? Helbet ev gûmanek e, lê belê ne belasebe ye. Ji ber ku vê heftê derket holê, ku li ser navê NSU 2.0, ji gelek sîyasetmedar û kesên navdar re nameyên gefxwarinê hatine şandin, ku di nav wan de endama parlamentoya federal a esil Kurd Hêlîn Evrim Sommer jî heye. Û jê balkêştir, herî kêm du bûyerên gefxwarinê, dikarîn heta polîsa Hessenê werin şopandin, ku di kompîturên polîsan de agahîyên wan mexdûran hatine lêgerîn û derxistin. Lewma Serokwezîrê Hessenê Peter Beuth jî dîyar kir, ku pêkan e, ku di nav polîs de toreke rastgir a tundrewan hebe. Mudîrê polîsa Hessenê li ser vê yekê dest ji kar kişand, çima ku serokwezîrê eyaletê di wexta xwe ji van gefxwarinên ciddî nehatîye agahdar kirin.