Li parlamentoya Iraq’ê di 11’ê mehê de pêşnûmeya qanûnekê hat xwendin, ku dihêlê ku keçikên piçûk ji neh saliyê û pê ve werin zewicandin. Heger di parlamentoyê de pirraniya dengan derkeve, wê demê temena zewacê, ku niha 15 ye, ewê dakeve 9’an. Da ku pêşnûme were dengdanê div ê herî kêm sê caran li parlamentoyê were nîqaş kirin.
Vê yekê yekser rê li rexneyên rêxistinên mafên mirovan û jinan vekir. Hin endamên parlamentoyê û rêxistinên jinan rexne li pêşnûmeyê digirin, ji ber ku ev yek xizmeta berjewendiyên hin aliyan dikin, ne berjewendiya jin û keçikên Iraq’ê.
Vê heftê rêvebira rêxistina mafên jinan Amez, Kanda Muhammed helwesta rêxistinên jinan a beranber vê pêşnûmeyê şîrove dike. Herweha hin agahiyên derbarê huqûqa rewşa medenî ya Iraq’ê di xeleka me de ne.